საერთაშორისო ლექცია ჰოლოკოსტის მსხვერპლთა ისტორიაზე

2021 წლის 9 დეკემბერს, “ჰოლოკოსტის ისტორიის” კურსის ხელმძღვანელის, ნონა ჭანტურიასა და ჰოლოკოსტის სწავლების საქართველოს საზოგადოების მოწვევით, კურსის სტუდენტებს ონლაინ ლექცია წაუკითხა ამერიკელმა პროკურორმა და ავტორმა, ა. ასტროვსკიმ. ლექცია შეეხებოდა ა.ასტროვსკის წიგნს “ცხოვრება გარდაცვლილთა შორის”, რომელიც სხვადასხვა პრესტიჟული ჯილდოს მფლობელი და ამ ჟანრში ერთ-ერთი ბესტსელერია.

წიგნი შეეხება ჰოლოკოსტის დროს ავტორის ოჯახის ისტორიას, პოგრომებსა და ნაცისტების მიერ ებრაელთა განადგურებას. ლექცია საინტერესო და ემოციურად დატვირთული იყო. სტუდენტებს საშუალება ჰქონდათ, უშუალოდ მოესმინათ ჰოლოკოსტის მსხვერპლის შთამომავალის ისტორია და ლექციის შემდეგ კითხვები დაესვათ მისთვის.

შეხვედრის დასასრულს, ამერიკელმა ავტორმა მადლობა გადაუხადა კურსის ავტორსა და ასოციაციას ამ შეხვედრის ორგანიზებისთვის. მან ასევე ხაზი გაუსვა სტუდენტების მომზადების დონეს, მათი საინტერესო და კომპლექსური კითხვებიდან გამომდინარე.

იხილეთ სხვა წყარო აღნიშნულ ლექციაზე

იხილეთ: ლექცია ჰოლოკოსტის ფსიქოლოგიურ ასპექტებზე